ROM-kut tapkuatlu Minnguiqhiqvit Kanatami katutyiqatigit pinguqtai havagutit Kanatamiuni piqutituqaqaqvit atuqatigikni Franklin nalvagutauni

Franklin Piqutituqaqvit Havagutai katipkaqtai 10 piqutituqaqvit humiliqak nunaqyuaqmi

Havanguyuq atuqatigiktai unipkanguinaqtut Franklin Aulagutai hatqigangata takuyakhani, havagutit

Katutyiqatigit piqutituqaqaqvit atuqtitakhai hatqiqtaunit ukiungani 2016

TORONTO, Tisaipa 1, 2015 - Tamna Royal Ontario Piqutituqaqaqvik (ROM-kut) tapkuatlu Minnguiqhiqvit Kanatami (PCA-kut) naunaiqtai tapkuat ilauttaqnit 10 inigiyakhai, ilautitlugit tapkuat ROM-kut, tapkunani Franklin Piqutituqaqvit Havagutit. Ilaliutini tapkununga hinaanit-hinaanut havagutit tapkuat Kanatamiut Piqutituqaqvik Atuqpakhimayunut (Gatineau, Québec) ; Glenbow Piqutituqaqaqvik (Calgary, Alberta) ; Manitoba Piqutituqaqaqvik (Winnipeg) ; Nattilik Piqutituqaqaqvik (Uqhuqtuuq, Nunavut) ; Québec Maritime Piqutituqaqaqvik (Québec) ; Nouveau-Brunswick Piqutituqaqaqvik (Saint John) ; Nouvelle-Écosse Piqutituqaqaqvit (Halifax) ; Royal British Columbia Piqutituqaqaqvik (Victoria) ; tamnalu Vancouver Maritime Piqutituqaqaqvik. Tamna Franklin Piqutituqaqaqvik Havagutit, tuhaqhityuta talvani Tisaipa 2014 huliniani atuqtauyuq talvani ROM-kut, atuqatigikniaqtat tamna nalvaunahuanginnaqtuq piplugu tamna Franklin Aulaguta.

Tapkunani tukliqni pingahut ukiuni, tamna Franklin Aulaguta, tapkualu hatqiqpallianit nalvanguyut taphumunga, takuyaulaqniat amihunut Kanatamiunut atuqhugit nappainagialgit takuyakhaliugat havagutitlu atuqtitai uumunga nunaqyuaqmi havagtinit . Piqatauni piqutituqaqvit pilaqnilgit attaqtuhininik tapkuat Franklin Piqutituqaqvit Havagutai piyauninik nunaligiyainut, ilautitlugit atuqatigikni tapkuat takuyakhaliugat piplugit.

Ukiungani 2016, tapkuat ROM-kut tuniuqaqniaqtai tapkuat takuyakhat iniginiaqtainut. Pulaqtut nigiulat tuhagakhanik tapkununga kingulliqpanut nalvagauninut naunaiyautitlu hatqiqtitakhat malguliqhimayunut hatqiqtitviknut, tapkualuttauq takuminaqtut qagitauyakkut ilakhai. Tuhaguminaqtut havagutit, ilalgit qagitauyakkuviknik, havaktauqpiaqhimayut iliginiaqtai atuni piqutituqaqaqvit hatqiqtitainut. HUli piqutituqat aulaqatiginiangitai tapkuat hatqiqtitakhat, piqutituqaqaqvit ilagialaqtai tapkuat hatqiqtitaqtik pihimayai katihimani tugangayut hunat. Piplugit nutat nalvagauni piyaulaliqninut, pulaqtut humiliqak nunaqyuaqmi nigiulat atauttikkut nutanguqninik tapkuat hatqiqtitauyut.

Ilaliutyaqninik tapkuat ROM-kut munaqtiunit hatqiqtitiyutlu havaktit, Minnguiqhiqvit Kanatami piqaqtitiniat uqauhinik takukhaunilu takuyakhanut. Una ilulikhat ilaqaqniaq upluinik atuqtauvaktut naunaiyautit, immap iluani piqutituqaliqutit, nunguttailinutlu pinahuaqnit havagiyai tapkuat Minnguiqhivit Kanatami katutyiqatailu, tahapkualuttauq Kavamatkut Nunavut, taimanga Saptaipa 2014 nalvaunianik tamna HMS Erebus. Inuit ikayuqhiutini ilaunilu hatqiqtitauyut ilaginiaqtai.

Atullaktuq ROM-kut Hivuliqtia tamnalu CEO-nguyuq Mark Engstrom uqaqtuq, "Ikayuqtigiplugit tapkuat Minnguiqhiqvit Kanatami, tapkuat ROM-kut aliahuktut ikayuqniq hivuliqninik tapkuat havagutai Kanatamiut piqutituqaqvit pipkaqnianik una aqliknaqtuq ilagiya atuqhimaniqnut amihuniqhanut inungnut ayuqnaitpat. Piplugu kayuhinit, immap iluani piqutituqat naunaiyaqni talvani HMS Erebus, tapkuatlu kayuhinit qiniqtaunia tamna HMS Terror, nigiuktugut pivaliqtitninik tamna havanguyup ilagiyai tapkunani tuklikhani pingahut ukiut".

Minnguiqhiqvit Kanatami Ataniq Ataniuyuni Havakti, Daniel Watson uqaqtuq, "Tamna nalvaunia tamna HMS Erebus piyauyuq atuqhugit katitnit tapkuat nutanguqpiaqtut naunaiyautit tapkuatlu Inuit uqauhit ilitquhit. Atuqpiaqtuq piyaunia atuqpakhimayanut piqutituqatlu tahamani Kanatami. Minnguiqhiqvit Kanatami aliahuktut piqatigini tapkuat Royal Ontario Piqutituqaqvik pipkalaqninut Kanatamiut humiliqak tahamani nunaqyuaqmi ilittugini ilityutiginilu tapkuat naluyaunit tapkuat Franklin Aulaqtut."

Kanatamiut piqatauniat tapkunani Franklin unipkaqnit qaunaquq quyanaqninut tunihiyut ilautitlugit Hivuliqtut Takukhaupkaiyut Patron, Tamna W. Garfield Weston Tunngatat ; tapkuat Kavamatkut Kanata ; Isles Tungatat Kuapurisauyut-Tamna John E. Irving Ilagit ; Tamna WB Ilagit Tunngatat ; Andrew tamnalu Valerie Pringle, tamnalu attiqtauyumangittuq tunihiyuq. Tapkuat unniqhiutit tapkuat ihumagiyainut tahapkuat Kanatamiut hinaanit hinaanut pilaqvilgit ilittanginik tahaphuminga atuqpiaqtumik atuqhimaniptingnut.

Tamna Franklin Aulaqniat

Tamna Franklin Aulaqniat tuhaqnigiyauyuq kinguvaginit tahapkunanga Kanatamiunit : talvani Mai 19, 1845, malikhugu Sir John Franklin-nguyup atanniqtuqnia, tapkuat Royal Navy-kut HMS Erebus tamnalu HMS Terror aulaqvigiyat England aulagiaqhutik naunayainiqmun naunaiyainiqmik tamnalu kingulliqpaq nalvaqnia tahamna Ukiurtaqtup Tagiukkut Aulagianga. Kingulliqmik takuyauyuq itiqtiqnia Baffin Bay talvani Aagasi 1845, tamna tammaqnia tapkuat Franklin Aulaqtit malguk umiaqpak huli huniumaittuq ilagiyat Kanataup anginiqpamik naunaqnit 170 ukiuni kinguagut.

- 30-

ROM-kut Tuhagakhaligiyi Tugagaq|
Marilynne Friedman, Ataniq Makpigaliuqti marilynf@rom.on.ca
416.586.5826

ROM-kut Inuliqutit Tihagakhaliuqtit
Nakuuginia : ROM Facebook
Maliklugu : @ROMtoronto @ROM_Canada #HMSErebus
ROM Instagram
Qunngiaqlugu : ROM YouTube

Hunauni tapkuat ROM-kut
Angmaqtuq 1914-mi, Kanataup anginiqpaq piqutituqaqaqvik nunamittutuqanut atuqhimanit hilaqyuamilu ilitquhit piqaqtut siksit milian hunanik katitaini takuyaqtuqvinilu takupkagaikhat hanauyat, piqutitugaliqutit nunamittutuqatlu naunaiyainit. Tapkuat ROM-kut piyut nunaqyuami anginiqpat maniqami naunaiyaiyit havakviat hilaqyuamilu hivuliqtut naunaiyainiqmun piyaunit uumatyutit allatqikni, taimaniqyualiqutit, nunaplu naunaiyainit piqutituqanut, inuliqutit takukhauyutlu ilitquhit - pingautit nutat tuhagakhat mikhaanut hilaqyuami kangiqhimanit atuqhimayunut nutanutlu ahianguqnit ilitquhiqni avatigiyauyunilu. Tapkununga 24-ikaganut tuhagakhat Qaplunaatun Frenchtunlu, hivayaqlugu 416.586.8000 taluluguluniit tamna ROM-kut qagitauyakkuvia talvani www.rom.on.ca . Takuyaqtutikhat piyaulat talvani www.rom.on.ca.

*Takukhauyuq Titiga

Immap iluani piqutitugaligiyi Marc-André Bernier ihuaqhaqta tamna tagiumi uumayuliqutit naunaiyaut hanalgut talvunga hivunngata haniganut umiaqpaup taphuma HMS Erebus. Parks Kanata/Thierry Boyer